Omsendbriewe
27 Januarie 2006
OMSENDBRIEF: ADV 5/2006
Aan: Die Sekretaris
DiakensvergaderingGeagte Br/Sr
Soos u reeds ‘n geruime tyd weet het die Kommissie van die ADV die jaar 2006 opsy gesit om aandag te gee aan die verarming van die lidmate van ons kerk.
Nou is dit my voorreg om u as kommissie uit te nooi om twee (2) afgevaardigdes uit u ring te stuur om hierdie beraad by te woon.
Die tema van die beraad is: VENSTER OP ARMOEDE
Die plek waar die beraad plaasvind:
DIE GEMEENTE SWARTKOP
IRELANDLAANVERLENGING
ELDORAIGNEDie tyd:
REGISTRASIE BEGIN VANAF 07:30
DIE BERAAD BEGIN 08:00 EN DUUR TOT 17:00Die doelstellings van die beraad is as volg:
- Om die diakens te sensiteer oor die wese van armoede (Wilhelm Coetzer)
- Die invloed van verarming op die gesinslewe (Maritha Fourie)
- Die troos uit die Woord aan hulle wat armoede ervaar (Christo van der Merwe)
- Lesse wat die kerk uit Stilfontein geleer het (Sarel Oosthuizen)
- Om aksiestappe te bedink wat die kerk kan implementeer om hierdie probleem aan te spreek.
Die werksmetode van die beraad is as volg:
- Die 4 sprekers gaan ongeveer 30 minute aan hulle referate spandeer.
- Die res van die tyd gaan afgevaardigdes in kleingroepe verdeel om met praktiese voorstelle te kom oor hoe die kerk hierdie al hoe groterwordende probleem kan aanspreek.
Die volgende hulpverleningsprogramme gaan ook tydens die beraad bekend gestel geword:
- Die bekendstelling van projek OORWINNINGSKINDERS wat die werkende jongmense van die kerk wil mobiliseer om betrokke te raak by die verligting van armoede
- Toerustingspakket oor die diaken en armoede
- Hulpmiddels wat reeds deur die NHSV vir gebruik in die kerk beskikbaar gestel is
Die koste van die beraad:
GRATIS! U moet asseblief net verantwoordelikheid aanvaar vir die reis en die verblyf kostes van u afvaardiging.
Daar is net een voorwaarde: U MOET VOOR OF OP 20 FEBRUARIE U PLEK BESPREEK BY MARIÉ VAN NIEKERK. Ek wil u vriendelik dog dringend versoek om nie net op te daag nie. Daar kan net middagete bedien word aan afgevaardigdes wat hulle plekke vooraf bespreek het.
U kan haar kontak by 012 322 8885 tydens kantoor ure. Of u kan haar per e-pos laat weet by kinderhuise@nhk.co.za
Kom ons pak ook hierdie probleem positief in die geloof.
Hoop om u daar te sien.
Groete in Christus
Dr WJ Coetzer
Sekretaris: Kommissie van die ADV
